Quérolles dar a benvida á miña web de fotografía. A finalidade deste proxecto non é outro que achegarvos,a todos vós,unha mostra;un pequeno esbozo das paisaxes,rúas e recunchos de Cambados. Con cada fotografía pretendo ofrecer a todo o mundo un anaco do pobo,unha imaxe,unha historia...E todo iso co meu cuño,todo visto dende o meu punto de vista e filtrado polo obxectivo da miña cámara fotográfica. Apreciade paseniñamente cada retrato e deixadevos envolver pola maxia,maxia con nome propio:Cambados.
Apariz Diaz.

MOI IMPORTANTE

Rogamos que se alguén por calquera motivo non desexa que se amose referencia algunha da súa persoa, (retrato,casa,porta,rúa...), esta web procederá inmediatamente a retirar a fotografía. Nunca e repetimos: nunca,pretendemos ofender e violentar a ninguén.A única finalidade desta páxina é amosar Cambados e todo o que representa,incluído as súas xentes, a todo o mundo dunha maneira distinta.

Rogamos que se se producise esta circunstancia nos enviara un email e inmediatamente, repito: INMEDIATAMENTE, a toma será retirada.

Aproveitamos para agradecer a fidelidade e interese durante todo este tempo.Moitas grazas.

Eduardo Apariz Diaz

Eduardo Apariz

INICIO	CAMBADOS	FEFIÑANS	SAN TOME	CASTRELO	A PASTORA	VILARIÑO	O RUAR	VOSAS FOTOS	LIBRO VISITAS	SITIOS INTERESE

"Cambados crea"

Mártires da troula

Mártires da troula que percorren e revivien cada fin de semana o vía crucis da ebriedade e a camaradería.A Pastora vestida de Gólgota vixía dende a lontananza os rumores da súa esmorga; sofás e cómodas convértense, por imperativo de cónxuxes molestas,en escenario de contristado espertar e domingo de resurrección.

Tornáronse semblantes rexios os rostros imberbes e cederon o seu lugar os ventres planos ás barrigas "cerveceiras", mais non mudou a necesidade sempiterna de purgar ,en vieiros empedrados, a alma enfurruxada; o desexo de soterrar, por unhas horas, o ruído,as penas e o teléfono.

Nin cravos,nin letanías, nin cálices,nin coroas de espiño.
Viño sen bendicir e amizade fóra de todo dogma.

Marabillosa herexía.

Apariz Chaves

"Cambados pola cultura"

UN POUCO DE HISTORIA CAMBADESA

SERIE MARISCADORAS

ENTRAR

Xóvenes vellos unidos por unha amizade imperecedoira,gargalladas xoviais impermeables ó tempo.
Os ósos fráxiles e as carnes mermadas non lles impiden seguir a realizar algunha que outra falcatruada ,a súa curiosidade xuvenil segue vixente.
Que están a ollar?Que discuten?Que andaran a argallar estes "colegas"?Só eles,esa panda de raparigos octoxenarios saben a resposta.

Apariz Chaves

free web counter